A ÚNICA. MARIA CASARÈS

Descripción

María Casares naceu na Coruña no ano 1922,
filla de Santiago Casares Quiroga, avogado e presidente
do Goberno da República entre maio e xullo de 1936.
Logo do golpe de Estado, trasládase a París coa súa familia,
onde co tempo chegará a converterse na primeira actriz
de Francia.
Como peche da celebración do centenario do seu nacemento
esta biografía de Anne Plantagenet nárranos a súa vida,
preto e lonxe da escena, e amósanos a traxectoria
dunha muller libre considerada a musa do existencialismo
francés. Unha historia que amosa a paixón desta grande
artista cunha vida de novela.